ബെംഗളൂരു : കുതിച്ചുയരുന്ന ഇന്ധനവില വർദ്ധനയുടെ പശ്ചാത്തലത്തിൽ ഓട്ടോക്കൂലിയിൽ വർദ്ധന വരുത്തണമെന്ന് ഡ്രൈവർമാരുടെ യൂണിയൻ ആവശ്യപ്പെട്ടു.
ഇലക്ട്രിക് ബൈക്ക് ടാക്സികൾക്കും അനുമതി നൽകരുത് എന്നും ട്രാഫിക് ഡി.സി.പി.ശാന്ത രാജുവുമായി നടത്തിയ ചർച്ചയിൽ യൂണിയൻ ആവശ്യമുന്നയിച്ചു.
ബൈക്ക് ടാക്സികൾ ഓട്ടോറിക്ഷകളുടെ പ്രവർത്തനത്തിന് തിരിച്ചടിയാകും ഇത് കൂടി പരിഗണിച്ച് ജില്ലാ കളക്ടർക്ക് റിപ്പോർട്ട് നൽകുമെന്ന് ഡി.സി.പി.അറിയിച്ചു.
നഗരത്തിൽ ഇ-ബൈക്ക് ടാക്സികൾ തുടങ്ങുന്നതിന് റൈഡ് ഷെയറിംഗ് കമ്പനിയായ റാപ്പിഡോ ഗതാഗത വകുപ്പിനോട് അനുമതി തേടിയിരുന്നു.എന്നാൽ ഈ അപേക്ഷയിൽ ഇതുവരെ തീരുമാനമെടുത്തിട്ടില്ല.
ഓട്ടോക്കൂലി വർദ്ധിപ്പിക്കാൻ ഡ്രൈവർമാർ ആവശ്യപ്പെടുന്നുണ്ടെങ്കിലും യഥാർത്ഥ ചാർജിൻ്റെ രണ്ടും മൂന്നും മടങ്ങാണ് ഭൂരിപക്ഷം ഓട്ടോ ഡ്രൈവർമാരും സാധാരണയായി ഈടാക്കുന്നത് എന്നാണ് നഗരത്തിലെ യാത്രക്കാരുടെ അഭിപ്രായം, ഇതിനൊരറുതി വരുത്താത്തിടത്തോളം കാലം യാത്രക്കാർ ഓട്ടോറിക്ഷക്കളെ ആശ്രയാക്കാനുള്ള സാധ്യതകൾ കുറവാണ് എന്ന് സ്ഥിര യാത്രക്കാർ പരാതി പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
