ബെംഗളൂരു: 87 ലക്ഷം വിലമതിക്കുന്ന 1.7 കിലോ സ്വർണം വസ്ത്രത്തിനുള്ളിൽ ഒളിപ്പിച്ച് കടത്താൻ ശ്രമിച്ച യാത്രക്കാരൻ നഗരത്തിലെ കെംപെഗൗഡ വിമാനത്താവളത്തിൽ പിടിയിൽ. ദുബായിൽനിന്ന് എമിറേറ്റ്സ് എയർലൈൻസിൽ വന്ന 36- കാരനായ യാത്രക്കാരനിൽ നിന്നാണ് സ്വർണം പിടിച്ചത്.
കുഴമ്പു രൂപത്തിലാക്കി ജീൻസിന്റെയും അടിവസ്ത്രത്തിന്റെയും പ്രത്യേകം തയ്യാറാക്കിയ അറകളിലാണ് സ്വർണം സൂക്ഷിച്ചിരുന്നത്. ഇയാളുടെ പെരുമാറ്റത്തിൽ സംശയം തോന്നിയ കസ്റ്റംസ് ഉദ്യോഗസ്ഥർ വിശദമായ പരിശോധന നടത്തിയതോടെയാണ് സ്വർണം കണ്ടെത്തിയത്. ജീൻസിനുള്ളിൽ പുറത്തുകാണാൻ കഴിയാത്തവിധമാണ് പ്രത്യേക അറ തയ്യാറാക്കിയിരുന്നത്.
അടിവസ്ത്രത്തിലും സമാനമായ രീതിയിലുള്ള അറയാണുണ്ടായിരുന്നത്. ഒന്നിനുമുകളിൽ ഒന്നായി സ്വർണമൊളിപ്പിച്ച രണ്ട് അടിവസ്ത്രങ്ങൾ ഇയാൾ ധരിച്ചിരുന്നതായി കസ്റ്റംസ് ഉദ്യോഗസ്ഥർ പറഞ്ഞു. സംഭവത്തിൽ കൂടുതൽ അന്വേഷണം നടക്കുന്നതിനാൽ പിടിയിലായയാളുടെ കൂടുതൽ വിവരങ്ങൾ കസ്റ്റംസ് വെളിപ്പെടുത്തിയിട്ടില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
