ബെംഗളൂരു. രാജീവ് ഗാന്ധി യൂണിവേഴ്സിറ്റി ഓഫ് ഹെൽത്ത് സയൻസസ് ജനുവരി 17 മുതൽ നടത്താൻ നിശ്ചയിച്ചിരുന്ന പരീക്ഷകൾ മാറ്റിവെച്ചു.
പുതിയ സർക്കുലർ പ്രകാരം ഒന്നാം വർഷ പരീക്ഷകൾ ഫെബ്രുവരി 8-നും രണ്ടാം വർഷ പരീക്ഷകൾ മാർച്ച് രണ്ടിനും മൂന്ന് നാല് വർഷ പരീക്ഷകൾ മാർച്ച് 21നും ആണ് ആരംഭിക്കുക.
ഡിസംബർ ഒന്നുമുതൽ കോളേജുകളിൽ നേരിട്ടുള്ള ക്ലാസ്സുകൾ ഉണ്ടായിരിക്കും.
ഡിസംബർ ഒന്നു മുതൽ ക്ലാസുകൾ ആരംഭിക്കാനിരിക്കെ, ഒന്നര മാസത്തിനുള്ളിൽ തന്നെ പരീക്ഷകൾ നടത്താനുള്ള യൂണിവേഴ്സിറ്റിയുടെ തീരുമാനത്തിനെതിരെ കടുത്ത പ്രതിഷേധമായിരുന്നു വിദ്യാർത്ഥികളുടെ ഭാഗത്തുനിന്ന് ഉണ്ടായത്.
വിദ്യാർത്ഥികളുടെ കൂട്ടായ്മ ഉയർത്തിയ പ്രതിഷേധം ട്വിറ്ററിൽ വൻ ചലനം സൃഷ്ടിച്ചിരുന്നു. 25000 ത്തോളം പേരാണ് ഇതിൽ പങ്കാളികളായത്.
സർവ്വകലാശാല അധികൃതർക്കും മെഡിക്കൽകോളേജ് മേധാവികൾക്കും വിദ്യാർഥികൾ എഴുതിത്തയ്യാറാക്കിയ നിവേദനവും നൽകിയിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
