പ്രാണവായു വില കൊടുത്തു വാങ്ങേണ്ട കാലം വരുമെന്ന പ്രകൃതി സ്നേഹികളുടെ മുന്നറിയിപ്പ് സത്യമായി. ന്യൂസിലന്റിലാണ് ശുദ്ധവായു വില്പ്പനയ്ക്ക് വെച്ചിരിക്കുന്നത്.
ഒരുകുപ്പി ശുദ്ധവായുവിന് 25 ഡോളറാണ് വില. അതായത് ഇപ്പോഴത്തെ വിനിമയ നിരക്കനുസരിച്ച് 1850 രൂപയോളം വരും. കിവിയാന എന്ന കമ്പനി വിപണിയിലെത്തിച്ചിരിക്കുന്ന ശുദ്ധവായു വാങ്ങാനെത്തുന്നവര്ക്ക് ഓഫറുകളും ലഭ്യമാണ്.
ഓക്ക് ലാന്ഡ് രാജ്യാന്തര വിമാനത്താവളത്തിലെ ഡ്യൂട്ടി ഫ്രീ ഷോപ്പുകളില് ഉള്പ്പടെ കുപ്പിയിലെ ശുദ്ധവായു വില്പ്പനയ്ക്ക് വെച്ചിട്ടുണ്ട്. ശ്വസിക്കാനുളള മാസ്കുകളും ലഭ്യമാണ്.
സോഷ്യല്മീഡിയ വഴി വമ്പിച്ച പ്രചരണമാണ് കുപ്പിയിലാക്കിയ ശുദ്ധവായുവിന് ലഭിക്കുന്നത്. ലോകമെമ്പാടും ശുദ്ധവായു വിതരണം ചെയ്യാനാണ് കമ്പനി ലക്ഷ്യമിടുന്നത്.
ന്യൂസിലന്റിലെ ദക്ഷിണ പര്വ്വത മേഖലകളില് നിന്ന് ശേഖരിച്ച ശുദ്ധവായുവാണ് കുപ്പികളിലാക്കി വിതരണം ചെയ്യുന്നതെന്ന് കമ്പനി അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
