മാനന്തവാടി: വയനാടന്‍ ഉള്‍ക്കാടുകളില്‍ വീണ്ടും മാവോയിസ്റ്റ് സാന്നിദ്ധ്യം. വയനാട് മുണ്ടക്കൈയില്‍ ഭാഗത്താണ് മാവോയിസ്റ്റുകളെ കണ്ടതായി പൊലീസ് അറിയിച്ചത്.
ഇന്നലെ രാത്രി മൂന്നംഗ സംഘത്തെ കണ്ടതായി നാട്ടുകാര്‍ പൊലീസിനെ അറിയിച്ചു. മുണ്ടക്കൈ എസ്റ്റേറ്റ്‌ ലയത്തിന് സമീപം എത്തിയതായാണ് പൊലീസിന് നല്‍കിയ വിവരം.
മാവോയിസ്റ്റുകള്‍ക്കായുള്ള അന്വേഷണം പൊലീസ് വ്യാപകമാക്കിയിട്ടുണ്ട്. വയനാടന്‍ ഉള്‍വനങ്ങളിലേക്കും പൊലീസ് തെരച്ചില്‍ വ്യാപകമാക്കി.
മാവോയിസ്റ്റുകള്‍ക്കായുള്ള തെരച്ചില്‍ ചുമതല കണ്ണൂര്‍ എസ്പിയ്ക്കാണ്.
അതേസമയം കഴിഞ്ഞ ദിവസം വയനാട്ടില്‍ മൂന്ന് തൊഴിലാളികളെ മാവോയിസ്റ്റ് സംഘം ബന്ദികളാക്കിയിരുന്നു. രക്ഷപ്പെട്ട തൊഴിലാളികളെ പൊലീസ് വീണ്ടും ചോദ്യം ചെയ്യും.
എന്നാല്‍ ഇവരുടെ മൊഴികളിലെ വൈരുദ്ധ്യം പൊലീസിനെ കുഴയ്ക്കുകയുമാണ്‌.
വയനാട്ടിലെ മാവോയിസ്റ്റ് സാന്നിധ്യം സംസ്ഥാന പൊലീസിനെയാകെ ഞെട്ടിച്ചിരിക്കുകയാണ്.
കഴിഞ്ഞ ദിവസം ബന്ദികളാക്കിയവരെ മാവോയിസ്റ്റുകള്‍ വിട്ടയച്ചെങ്കിലും അപകടകരമായ സന്ദേശമായാണ് ഈ നടപടിയെ ഉന്നത പൊലീസ് ഉദ്യോഗസ്ഥര്‍ വിലയിരുത്തുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
