ബെംഗളൂരു : പത്രിക സമർപ്പണത്തിന് ഒരു ദിവസം കൂടി ബാക്കി നിൽക്കെ, ഇന്നലെ വരെ 1127 സ്ഥാനാർഥികൾ നാമനിർദേശം സമർപ്പിച്ചു. തുമക്കൂരുവിലെ കൊരട്ടഗെരെയിൽ കർണാടക പിസിസി പ്രസിഡന്റ് ജി.പരമേശ്വര, സർവജ്ഞനഗറിൽ മന്ത്രി കെ.ജെ.ജോർജ്, മംഗളൂരുവിൽ മന്ത്രി യു.ടി.ഖാദർ, ശാന്തിനഗറിൽ കോൺഗ്രസ് എംഎൽഎ എൻ.എ.ഹാരിസ്, മഹാദേവപുരയിൽ ബിജെപി എംഎൽഎ അരവിന്ദ് ലിംബാവലി തുടങ്ങിയ പ്രമുഖർ ഇന്നലെ പത്രിക സമർപ്പിച്ചു.
കോൺഗ്രസ് 174, ബിജെപി 178, ജനതാദൾ എസ് 141, സ്വതന്ത്രർ 457 തുടങ്ങി 1127 പത്രികകളാണ് സമർപ്പിച്ചിരിക്കുന്നതെന്ന് തിരഞ്ഞെടുപ്പു കമ്മിഷൻ അറിയിച്ചു. സൂക്ഷ്മപരിശോധന 25ന് നടക്കും. പത്രിക പിൻവലിക്കാനുള്ള അവസാന തീയതി 27.
