You are here

അനധികൃതമായി പാർക്ക് ചെയ്യുന്ന വാഹനങ്ങൾ പൊലീസ് പൊക്കികൊണ്ടുപോകുമ്പോൾ വാഹനം എവിടെയുണ്ടെന്ന് കണ്ടെത്താൻ വിഷമിക്കേണ്ട!

സ്വന്തം ലേഖകന്‍
ബെംഗളൂരു: അനധികൃതമായി പാർക്ക് ചെയ്യുന്ന വാഹനങ്ങൾ പൊലീസ് പൊക്കികൊണ്ടുപോകുമ്പോൾ വാഹനം എവിടെയുണ്ടെന്ന് കണ്ടെത്താൻ വിഷമിക്കേണ്ട. ഓരോസ്ഥലത്ത് നിന്നും ക്രെയിൻ ഉപയോഗിച്ച് ടോ ചെയ്യുന്ന വാഹനങ്ങൾ ഏത് പൊലീസിന്റെ പരിധിയിലാണെന്നും ബന്ധപ്പെടേണ്ട നമ്പറും വഴിയരികിൽ പ്രദർശിപ്പിക്കും. പാർക്കിങ് നിരോധിത മേഖലകളിലും വഴിയരികിൽ തടസ്സം സൃഷ്ടിക്കുന്ന വാഹനങ്ങളുമാണ് ട്രാഫിക് പൊലീസ് ടോ ചെയ്ത് കൊണ്ടുപോകുന്നത്.

ഉടമസ്ഥർ തിരിച്ചെത്തുമ്പോൾ വാഹനം കാണാതെ വലഞ്ഞ് ഏറെ ബുദ്ധിമുട്ടേണ്ട അവസ്ഥയാണ്. ഇതിന് പരിഹാരമായാണ് സിറ്റി ട്രാഫിക് പൊലീസിന്റെ പുതിയ നടപടി. വിവി പുരം പൊലീസ് സ്റ്റേഷൻ പരിധിയിൽ വിവിധയിടങ്ങളിൽ ബോർഡുകൾ സ്ഥാപിച്ചുകഴിഞ്ഞു. ബിബിഎംപി ഗ്രൗണ്ടുകൾ, ആളൊഴിഞ്ഞ സ്ഥലങ്ങൾ എന്നിവിടങ്ങളിലാണ് ട്രാഫിക് പൊലീസ് ടോ ചെയ്ത വാഹനങ്ങൾ കൊണ്ടിടുന്നത്. ബന്ധപ്പെട്ട പൊലീസ് സ്റ്റേഷനിലെത്തി പിഴയടച്ചാലും വാഹനം കണ്ടെത്താൻ പിന്നെയും വലയേണ്ട അവസ്ഥയാണ്. ബൈക്കുകൾക്ക് 750 രൂപയും കാർ, ഓട്ടോറിക്ഷ എന്നിവയ്ക്ക് 1100 രൂപയുമാണ് അനധികൃതപാർക്കിങ്ങിനും ടോ ചെയ്തതിനുമുള്ള നിരക്കായി ഈടാക്കുന്നത്

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]

Related posts

നിങ്ങളുടെ അഭിപ്രായം എഴുതൂ..