ന്യൂഡല്ഹി: ഹജ്ജ് യാത്രയ്ക്കുള്ള വിമാനക്കൂലിയില് ഇളവ് നല്കി കേന്ദ്ര സര്ക്കാര്. ഹജ്ജ് സബ്സിഡി അവസാനിപ്പിച്ചതിന് പിന്നാലെയാണ് പുതിയ നടപടി. കേന്ദ്ര ന്യൂനപക്ഷകാര്യ മന്ത്രി മുക്താര് അബ്ബാസ് നഖ്വിയാണ് ഇക്കാര്യം അറിയിച്ചിരിക്കുന്നത്. പ്രധാനമന്ത്രിയുടെ ഓഫീസില് നിന്നുള്ള നിര്ദേശപ്രകാരമാണ് ഇത്തരത്തിലൊരു നടപടിയെന്നാണ് നഖ്വി വ്യക്തമാക്കിയിരിക്കുന്നത്. ഇന്ത്യയിലെ 21 വിമാനത്താവളങ്ങളില് നിന്ന് ജിദ്ദ, മദീന എന്നിവിടങ്ങളിലേക്കുള്ള യാത്രയ്ക്കാണ് നിരക്കിളവ്. എയര് ഇന്ത്യ, സൗദി എയര്ലൈന്സ്, സൗദി വിമാന കമ്പനിയായ ഫ്ലൈനാസ് തുടങ്ങിയവയിലാണ് നിരക്ക് കുറച്ചിരിക്കുന്നത്.
Read MoreThursday, June 11, 2026
