ബംഗ്ലാദേശ്; ധാക്കയിലെ ഗുലിസ്ഥാന്‍ പ്രദേശത്തെ ബഹു നില കെട്ടിടത്തിലുണ്ടായ സ്‌ഫോടനത്തില്‍ 17 പേര്‍ കൊല്ലപ്പെട്ടു. നൂറിലധികം പേര്‍ക്ക് പരിക്കേറ്റു. ഒരു ബഹുനില കെട്ടിടത്തിന്റെ രണ്ടാം നിലയിലാണ് സ്‌ഫോടനമുണ്ടായതെന്നാണ് വിവരം. മരണ സംഖ്യ ഇനിയും ഉയരുമെന്ന് ധാക്ക് പൊലീസ് വ്യക്തമാക്കി. ഗുലിസ്ഥാനിലെ സിദ്ദീഖ് ബസാര്‍ വ്യാപാര മേഖലയിലാണ് അപകടം. പൊട്ടിത്തെറിയുടെ ആഘാതത്തില്‍ തൊട്ടടുത്തുള്ള കെട്ടിടങ്ങള്‍ക്കും കേടുപാടുകള്‍ സംഭവിച്ചിട്ടുണ്ട്. സ്‌ഫോടന കാരണം വ്യക്തമല്ലെന്നും അധികൃതര്‍ വ്യക്തമാക്കി. അതേസമയം അപകടത്തെ കുറിച്ചുളള അന്വേഷണം നടന്നു വരികയാണെന്നും പൊലീസ് അറിയിച്ചു.
Read Moreബംഗ്ലാദേശിലെ ബഹു നില കെട്ടിടത്തിൽ സ്ഫോടനം; മരണം 17 ആയി
