ബെംഗളൂരു: ഡ്യൂട്ടിക്കിടെ മരിക്കുന്ന പോലീസ് ഉദ്യോഗസ്ഥർക്കുള്ള ഗ്രൂപ്പ് ഇൻഷുറൻസ് തുക 20 ലക്ഷത്തിൽ നിന്ന് 50 ലക്ഷമായി ഉയർത്തുമെന്ന് കർണാടക മുഖ്യമന്ത്രി സിദ്ധരാമയ്യ പ്രഖ്യാപിച്ചു.
മൈസൂരു റോഡിലെ രക്തസാക്ഷി പാർക്കിൽ കൊല്ലപ്പെട്ട ജവാൻമാർക്ക് ആദരാഞ്ജലികൾ അർപ്പിച്ച ശേഷം പോലീസ് അനുസ്മരണ ദിന പരിപാടിയിലാണ് അദ്ദേഹം ഇക്കാര്യം അറിയിച്ചത്.
“സംസ്ഥാനത്തിന്റെയും സർക്കാരിന്റെയും അന്തസ്സ് ഉയർത്താനാണ് പോലീസ് സംവിധാനം പ്രവർത്തിക്കുന്നത്. വികസനവും ക്രമസമാധാനവും തമ്മിൽ നേരിട്ട് ബന്ധമുണ്ട്. സംസ്ഥാനത്ത് ക്രമസമാധാനം ശരിയായിരിക്കുമ്പോൾ കൂടുതൽ നിക്ഷേപമുണ്ടാകുമെന്നും മുഖ്യമന്ത്രി പറഞ്ഞു.
“ഇത് തൊഴിലവസരങ്ങൾ വർദ്ധിപ്പിക്കുകയും വികസനം വേഗത്തിലാക്കുകയും ചെയ്യും. അതിന്റെ ഫലമായി രാജ്യത്തെ ജനങ്ങളുടെ ആളോഹരി വരുമാനവും വർദ്ധിക്കുമെന്നും മുഖ്യമന്ത്രി വ്യക്തമാക്കി.
രാജ്യത്തിന്റെ ക്രമസമാധാനം കർശനമായി പാലിക്കാൻ പോലീസ് വകുപ്പിനോട് അദ്ദേഹം ആവശ്യപ്പെട്ടു.
സാങ്കേതിക വിദ്യയുടെ പുരോഗതിക്കൊപ്പം പോലീസ് വകുപ്പ് പുതിയ വെല്ലുവിളികൾ നേരിടുന്നുണ്ടെന്നും സൈബർ സാങ്കേതിക വിദ്യയ്ക്കൊപ്പം സൈബർ കുറ്റകൃത്യങ്ങളും വർധിക്കുകയാണെന്നും ഇത് ഫലപ്രദമായി തടയണമെന്നും അദ്ദേഹം നിർദ്ദേശിച്ചു.
വ്യാജവാർത്തകൾ അസ്വസ്ഥത സൃഷ്ടിക്കുന്നുണ്ടെന്നും മുഖ്യമന്ത്രി പറഞ്ഞു.
എല്ലാവരെയും ഒരുപോലെ കാണുകയും പരിഗണിക്കുകയും ചെയ്യേണ്ടത് സർക്കാരിന്റെയും പോലീസ് സംവിധാനത്തിന്റെയും ഉത്തരവാദിത്തമാണെന്നും വ്യാജവാർത്തകൾ പ്രചരിപ്പിക്കുന്നവർക്കെതിരെ നടപടിയെടുക്കണമെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
