ഗ്രൗണ്ടിൽ അതിക്രമിച്ച് കയറി വിരാട് കോഹ്‌ലിക്കൊപ്പം സെൽഫിയെടുക്കാൻ ശ്രമം; വിദ്യാർഥികൾ പോലീസ് കസ്റ്റഡിയിൽ

ബെംഗളൂരു : ചിന്നസ്വാമി സ്റ്റേഡിയം ഗ്രൗണ്ടിൽ അതിക്രമിച്ച് കയറി ക്രിക്കറ്റ് താരം വിരാട് കോഹ്‌ലിക്കൊപ്പം സെൽഫിയെടുക്കാൻ ശ്രമിച്ച രണ്ട് പ്രായപൂർത്തിയാകാത്തവരടക്കം നാല് യുവാക്കളെ പോലീസ് അറസ്റ്റ് ചെയ്തു.

എം ചിന്നസ്വാമി സ്റ്റേഡിയത്തിലാണ് ഇന്ത്യയും ശ്രീലങ്കയും തമ്മിലുള്ള പിങ്ക് ബോൾ ടെസ്റ്റ് മത്സരം നടക്കുന്നത്. മത്സരത്തിന്റെ രണ്ടാം ദിവസം ആയ ഇന്നലെ രാത്രി 9.20ഓടെ മെഡിക്കൽ ബ്രേക്കിനിടെയാണ് നാലുപേർ കളിസ്ഥലത്തേക്ക് അതിക്രമിച്ച് കയറിയത്.

ഉടൻ തന്നെ പോലീസ് ഉദ്യോഗസ്ഥരും സംഘാടകരും അതിക്രമിച്ച് കയറിയവരുടെ അടുത്തേക്ക് ഓടിയെത്തി അവരെ പിടികൂടി. നാലുപേരെയും ചോദ്യം ചെയ്യുന്നതിനായി കബ്ബൺ പാർക്ക് പോലീസ് സ്റ്റേഷനിലേക്ക് കൊണ്ടുപോയി. വിവിധ കോളേജുകളിൽ പഠിക്കുന്ന വിദ്യാർഥികളാണ് അതിക്രമിച്ച് കയറിയത്.

ഇവരിൽ രണ്ട് പേർ കോക്‌സ് ടൗണിലെ താമസക്കാരും രണ്ട് പേർ കലബുറഗി ജില്ലക്കാരുമാണ്.
പ്രതികളിൽ രണ്ടുപേർ പ്രായപൂർത്തിയാകാത്തവരും എല്ലാവരും വിദ്യാർത്ഥികളുമായതിനാൽ ഒരു മുതിർന്ന 
ഉദ്യോഗസ്ഥൻ അവരുടെ പേരുകൾ വെളിപ്പെടുത്തിയില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.

Related posts

Click Here to Follow Us