ബെംഗളൂരു: വ്യാഴാഴ്ച കസ്തൂരിനഗറിൽ തകർന്ന ബഹുനില പാർപ്പിട സമുച്ചയത്തിന്റെ ഉടമസ്ഥതയിലുള്ളതും നിർമ്മിച്ചതുമായ ദമ്പതികളെ സിറ്റി പോലീസ് അറസ്റ്റ് ചെയ്തു. ആയിഷാ ബേഗ്, ഭർത്താവ് മിർസ അക്സർ അലി ബേഗ് എന്നിവരാണ് അറസ്റ്റിലായ വസ്തു ഉടമകൾ.
കെട്ടിടത്തിന്റെ നിർമ്മാണം 2012 ൽ ആരംഭിക്കുകയും 2014 ൽ അത് പൂർത്തിയാക്കുകയും ചെയ്തു. പ്രാഥമിക സാങ്കേതിക അന്വേഷണങ്ങൾ ശേഷം കെട്ടിടത്തിന്റെ തകർച്ചയുടെ പ്രധാന കാരണങ്ങളിലൊന്നാണ് നിർമ്മാണത്തിന്റെ മോശം ഗുണനിലവാരമാണെന്ന് ഡെപ്യൂട്ടി പോലീസ് കമ്മീഷണർ ഡി ശരണപ്പ പറഞ്ഞു .
കൂടാതെ, 40×60 അടി സ്ഥലത്ത് നിരവധി മാനദണ്ഡങ്ങൾ ലംഘിച്ചാണ് ദമ്പതികൾ പാർപ്പിട സമുച്ചയം നിർമ്മിച്ചത്. വ്യാഴാഴ്ച സ്ഥലം സന്ദർശിച്ച ബൃഹത് ബെംഗളൂരു മഹാനഗര പാലികെ (ബിബിഎംപി) ചീഫ് കമ്മീഷണർ ഗൗരവ് ഗുപ്ത 40×60 സ്ഥലത്താണ് കെട്ടിടം ഗ്രൗണ്ട്-പ്ലസ് ടു ഫ്ലോർ ഹൗസായി നിർമ്മിച്ചതെന്ന് മാധ്യമപ്രവർത്തകരോട് പറഞ്ഞിരുന്നു. എന്നിരുന്നാലും, അവർ നിരവധി മാനദണ്ഡങ്ങൾ ലംഘിക്കുകയും ഒരു പെന്റ്ഹൗസ് ഉൾപ്പെടെ അനുവദനീയമായതിനേക്കാൾ കൂടുതൽ നിലകൾ നിർമ്മിക്കുകയും ചെയ്തു.
വെള്ളിയാഴ്ച വൈകുന്നേരം ആരംഭിച്ച പൊളിക്കൽ ഇപ്പോഴും തുടരുകയാണ്. ബിബിഎംപി ഗ്യാസ് കട്ടറുകൾ ഉപയോഗിച്ചു കേടുപാടുകൾ സംഭവിക്കാത്ത വസ്തുക്കൾ വീണ്ടെടുക്കാൻ താമസക്കാരെ സഹായിക്കുകയും ചെയ്യുന്നുണ്ട്. അവശിഷ്ടങ്ങൾ ഇനിയും നീക്കം ചെയ്തിട്ടില്ല.
http://h4k.d79.myftpupload.com/archives/74109
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
