ബെംഗളൂരു: കർണാടകയിലെ ഉടുപ്പി- ഹൊസൂരിൽ ആണ് സംഭവം.
വിവാഹ മോചനം നേടിയിട്ടില്ല എങ്കിലും ഭർത്താവുമായി പിരിഞ്ഞ് കഴിഞ്ഞിരുന്ന അയൽവാസിയും വിവാഹിതയും ഒരു കുട്ടിയുടെ അമ്മയുമായ സ്ത്രീയുമായി ഗൗതം എന്നയാൾക്കുണ്ടായിരുന്ന ബന്ധത്തെ ചോദ്യം ചെയ്തതിനാണ് അയൽവാസിയായ നവീൻ കൊലചെയ്യപ്പെട്ടത്.
ഗൗതം ഈ സ്ത്രീയുടെ വീട്ടിലെ സ്ഥിരം സന്ദർശകനായിരുന്നു. ഇതിൽ ഇടപെട്ടതിനെ തുടർന്ന് വ്യക്തിപരമായ കാര്യങ്ങളിൽ ഇടപെടരുത് എന്നുപറഞ്ഞ് അയൽവാസിയായ നവീനെ ഗൗതം ഭീഷണിപ്പെടുത്തിയിരുന്നു.
കഴിഞ്ഞ ദിവസം രാത്രിയിൽ നവീൻന്റെ ഭാര്യയും മക്കളും പുറത്തുപോയ സമയത്ത് ഗൗതം കൂട്ടാളികളും ചേർന്നു നവീന്റെ വീട്ടിലെത്തി ആക്രമിക്കുകയായിരുന്നു.
തലയ്ക്ക് ഗുരുതരമായി പരിക്കേറ്റ നവീൻ സംഭവസ്ഥലത്തുതന്നെ മരിച്ചു.
വിവരമറിഞ്ഞ് സംഭവസ്ഥലത്തെത്തിയ പോലീസ് പ്രധാന പ്രതിയായ ഗൗതമിനെയും ആക്രമണത്തിൽ പങ്കെടുത്ത കൂട്ടാളികളായ മറ്റ് അഞ്ച് പേരെയും മണിക്കൂറുകൾക്കകം തന്നെ അറസ്റ്റ് ചെയ്തു.
