ബെംഗളൂരു: ബെംഗളൂരു നഗരത്തിലെ നിലവിലെ പാർക്കിങ് പ്രശ്നം പരിഹരിക്കാൻ കൂടുതൽ മൾട്ടി ലെവൽ പാർക്കിങ് കേന്ദ്രങ്ങൾ സ്ഥാപിക്കാനുള്ള നടപടികളുമായി ബിബിഎംപി.
ബസവനഗുഡി ഗാന്ധിബസാർ, ശിവാജിനഗർ, റസൽ മാർക്കറ്റ്, റേസ് കോഴ്സ് റോഡ്, മല്ലേശ്വരം എന്നിവിടങ്ങളിലാണിവ വരുന്നത്. ഫ്രീഡം പാർക്കിലെ പാർക്കിങ് കേന്ദ്രത്തിന്റെ നിർമാണം രണ്ടു മാസത്തിനുള്ളിൽ പൂർത്തിയാകും.
റോഡരികിലെ സൗജന്യ പാർക്കിങ് പൂർണമായും അവസാനിപ്പിച്ച് പണം കൊടുത്ത് ഉപയോഗിക്കാവുന്ന പാർക്കിങ് കേന്ദ്രങ്ങൾ മാത്രമാക്കാനാണ് ബിബിഎംപി ലക്ഷ്യമിടുന്നത്. ഇതോടെ, സ്വകാര്യ വാഹനങ്ങളുടെ ഉപയോഗം കുറയുമെന്നും പൊതുഗതാഗത സംവിധാനങ്ങൾ കൂടുതലായി ഉപയോഗപ്പെടുത്തുമെന്നുമാണ് പ്രതീക്ഷ.
