Category: POLITICS

ബെംഗളൂരു: മാണ്ഡ്യ ലോക്‌സഭാ മണ്ഡലത്തിൽ നിന്നുള്ള പാർലമെൻ്റ് അംഗം സുമലത അംബരീഷ് 2024ലെ ലോക്‌സഭാ തിരഞ്ഞെടുപ്പ് കണക്കിലെടുത്ത് വെള്ളിയാഴ്ച ബിജെപിയിൽ ചേർന്നു. തിരഞ്ഞെടുപ്പ് മത്സരത്തിൽ നിന്ന് പിന്മാറി കമൽ പാളയത്തിലെത്തിയ സുമലതയെ മുൻ മുഖ്യമന്ത്രി ബി.എസ്.യെദ്യൂരപ്പ, ബി.ജെ.പി സംസ്ഥാന അധ്യക്ഷൻ ബി.വൈ.വിജയേന്ദ്ര, നിയമസഭാ പതിപക്ഷ നേതാവ് ആർ.അശോക് തുടങ്ങി നിരവധി ബി.ജെ.പി നേതാക്കൾ സ്വീകരിച്ചു. “ഇന്ന് എൻ്റെ രാഷ്ട്രീയ ജീവിതത്തിലെ ഏറ്റവും പ്രധാനപ്പെട്ട ദിവസമാണ്. അഞ്ച് വർഷം മുമ്പ് മണ്ഡ്യ മണ്ഡലത്തിൽ ചരിത്ര വിജയം നേടിയിരുന്നു. ആ തിരഞ്ഞെടുപ്പ്, ആ സന്ദർഭം ഒരിക്കലും മറക്കാനാവില്ല.…

ബെംഗളൂരു: ഏപ്രിൽ 26 ന് തെരഞ്ഞെടുപ്പ് നടക്കുന്ന 14 മണ്ഡലങ്ങളിലേക്കുള്ള പത്രിക സമർപ്പണം ഇന്നലെ പൂർത്തിയായി. ആദ്യഘട്ട തിരഞ്ഞെടുപ്പിനുള്ള നാമനിർദേശ പത്രിക സമർപ്പിക്കാനുള്ള അവസാനദിവസമായ വ്യാഴാഴ്ച പ്രമുഖരായ നിരവധി സ്ഥാനാർഥികളാണ് പത്രിക നൽകിയത് . മാണ്ഡ്യയിലെ എൻ.ഡി.എ. സ്ഥാനാർഥി എച്ച്.ഡി. കുമാരസ്വാമി, ബെംഗളൂരു സൗത്ത് മണ്ഡലത്തിലെ എൻ.ഡി.എ. സ്ഥാനാർഥി തേജസ്വി സൂര്യ, തുമരൂകൂരുവിലെ കോൺഗ്രസ് സ്ഥാനാർഥി മുദ്ദഹനുമെഗൗഡ, ചിത്രദുർഗ മണ്ഡലത്തിലെ എൻ.ഡി.എ. സ്ഥാനാർഥി ഗോവിന്ദ് കർജോൾ, ഹാസനിലെ എൻ.ഡി.എ.സ്ഥാനാർഥി പ്രജ്വൽ രേവണ്ണ, ബെംഗളൂരു റൂറൽ മണ്ഡലത്തിലെ എൻ.ഡി.എ.സ്ഥാനാർഥി ഡോ.സി.എൻ. മഞ്ജുനാഥ് എന്നിവർ പത്രിക സമർപ്പിച്ചു.…

ബെംഗളൂരു : ബെംഗളൂരുവിലെ വീട്ടിലെത്തിയ മണ്ഡ്യയിലെ അനുയായികളുമായും നേതാക്കളുമായി ശനിയാഴ്ചനടത്തിയ ചർച്ചയ്ക്കുശേഷവും സുമലത തീരുമാനം വ്യക്തമാക്കിയില്ല. ഇത്തവണയും സ്വതന്ത്രയായി മത്സരിച്ചാൽ പിന്തുണയ്ക്കുമെന്ന് നേതാക്കൾ സുമലതയ്ക്ക് ഉറപ്പുകൊടുത്തു. അതേസമയം ഒരു തീരുമാനവും ഇതുവരെയെടുത്തിട്ടില്ലെന്നും ഏപ്രിൽ മൂന്നിന് മണ്ഡ്യയിൽ അനുയായികളുടെ യോഗംവിളിച്ചു ചേർക്കുമെന്നും അവരുമായി വീണ്ടും ചർച്ചനടത്തിയേശഷം തീരുമാനം പ്രഖ്യാപിക്കുമെന്നും സുമലത പറഞ്ഞു. കോൺഗ്രസിൽനിന്നും ബി.ജെ.പി.യിൽനിന്നും തനിക്ക് ക്ഷണം ലഭിച്ചതായും ഏതുപാർട്ടിക്ക് അനുകൂലമായി നിൽക്കണമെന്ന് തീരുമാനിച്ചില്ലെന്നും അവർ പറഞ്ഞു. ഏതുപാർട്ടിയെന്നത് തനിക്ക് പ്രധാനമല്ല, തന്റെ തീരുമാനം മാണ്ഡ്യക്കുവേണ്ടിയും അവിടത്തെ ജനങ്ങൾക്കുവേണ്ടിയുമായിരിക്കും-സുമലത വ്യക്തമാക്കി. അതേസമയംഅവരെ അനുനയിപ്പിക്കാൻ ബി.ജെ.പി. ശ്രമംതുടരുകയാണ്.…

ബെംഗളൂരു : ലോക്‌സഭാ തിരഞ്ഞെടുപ്പിൽ 28-ൽ 20 സീറ്റുകളിൽ കോൺഗ്രസ് ജയിക്കുമെന്ന് മുഖ്യമന്ത്രി സിദ്ധരാമയ്യ. സർക്കാരിന്റെ അഞ്ചിന ജനപ്രിയ പദ്ധതികൾ ജനങ്ങൾ ഏറ്റെടുത്തുകഴിഞ്ഞെന്നും ഈ ആത്മവിശ്വാസത്തിലാണ് കോൺഗ്രസ് ജനങ്ങളെ സമീപിക്കുന്നതെന്നും മുഖ്യമന്ത്രി പറഞ്ഞു. നിയമസഭാ തിരഞ്ഞെടുപ്പിനുമുമ്പ് നൽകിയ വാഗ്ദാനങ്ങളെല്ലാം സർക്കാർ നടപ്പാക്കി. എന്നാൽ, കേന്ദ്രസർക്കാർ അധികാരത്തിലേറുന്നതിനുമുമ്പ് നൽകിയ വാഗ്ദാനങ്ങളിൽ 10 ശതമാനംപോലും നടപ്പാക്കിയില്ല. 15 ലക്ഷം രൂപ എല്ലാവരുടെയും അക്കൗണ്ടിലെത്തുമെന്നും പ്രതിവർഷം രണ്ടുകോടി തൊഴിലവസരങ്ങൾ സൃഷ്ടിക്കുമെന്നുമുള്ള ബി.ജെ.പി.യുടെ വാഗ്ദാനം എന്തായെന്നും സിദ്ധരാമയ്യ ചോദിച്ചു. 28 സീറ്റുകളിലും ജയിക്കുമെന്ന ബി.ജെ.പി.യുടെ അവകാശവാദത്തെയും സിദ്ധരാമയ്യ പരിഹസിച്ചു. അത്തരം…

ബെംഗളൂരു : മണ്ഡ്യയിലെ സ്ഥാനാർഥിയെ സംബന്ധിച്ച് അനിശ്ചിതത്വം തുടരുന്നതിനിടെ നടി സുമലതാ അംബരീഷിനെ ബി.ജെ.പി. ദേശീയനേതൃത്വം ഡൽഹിക്ക് വിളിപ്പിച്ചു. സുമലതയുടെ സ്ഥാനാർഥിത്വം സംബന്ധിച്ച് ചർച്ച നടത്താനാണ് വിളിപ്പിച്ചതെന്നാണ് സൂചന. ശനിയാഴ്ച ജെ.ഡി.എസ്. നേതാവും മുൻ മുഖ്യമന്ത്രിയുമായ എച്ച്.ഡി. കുമാരസ്വാമി ഡൽഹിയിലെത്തി അമിത് ഷായുമായി കൂടിക്കാഴ്ച നടത്തിയിരുന്നു. മാണ്ഡ്യ ഉൾപ്പെടെ മൂന്ന് സീറ്റുകൾ വേണമെന്ന ആവശ്യം വീണ്ടുമുന്നയിച്ചു. ഇതിനുപിന്നാലെയാണ് ഞായറാഴ്ച സുമലതയെ ഡൽഹിക്കു വിളിപ്പിച്ചത്. മണ്ഡ്യ സീറ്റ് സുമലതയ്ക്കുതന്നെ നൽകാനാണോ പകരം വേറെ സീറ്റിൽ മത്സരിക്കാൻ ആവശ്യപ്പെടാനാണോ ബി.ജെ.പി. നേതൃത്വത്തിന്റെ തീരുമാനമെന്ന് വ്യക്തമല്ല. മണ്ഡ്യ ഒഴിവാക്കി…