Month: June 2023

ബെംഗളൂരു: ബെംഗളൂരുവിൽ റോഡിലൂടെ നടന്നുപോകുകയായിരുന്ന മലയാളി കവർച്ചക്കിരയായി. സ്കൂട്ടറിലെത്തിയ രണ്ടംഗ സംഘമാണ് ആലപ്പുഴ സ്വദേശിയും ബെംഗളൂരു നാഗവാരയിലെ ഐ.ടി. ഉദ്യോഗസ്ഥനുമായ ശ്രീകുമാറിനെ കവർച്ചയ്ക്ക് ഇരയായത്. ഇലക്ട്രോണിക് സിറ്റിക്ക് അടുത്തുള്ള ഹുലിമംഗലയിൽ ശനിയാഴ്ച ഉച്ചയ്ക്കാണ് സംഭവം. വഴി തടഞ്ഞു നിർത്തി മൊബൈൽഫോണും നാല് പവനുള്ള സ്വർണമാലയും പണമടങ്ങിയ പേഴ്‌സും ശ്രീകുമാറിൽ നിന്നും രണ്ടംഗ സംഘം കൊള്ളയടിക്കുകയായിരുന്നു. ഇവിടെയുള്ള പഞ്ചായത്ത് ഓഫീസിലേക്ക് ബന്ധുവിൻ്റെ സ്ഥലത്തിൻ്റെ കരമടയ്ക്കാനായി നടന്നു പോകവേയാണ് സ്കൂട്ടറിൽ എത്തിയ രണ്ടംഗ സംഘം പിറകെ എത്തി ശ്രീകുമാറിനെ ആക്രമിച്ചത്. റോഡിൽ മറ്റു ആളുകൾ ഒന്നും ഉണ്ടായിരുന്നില്ല.…

ബെംഗളൂരു: ബെംഗളൂരുവിലെ വിവിധയിടങ്ങളിൽ ഇന്ന് രാവിലെ പത്ത് മുതൽ വൈകീട്ട് അഞ്ച് വരെ വൈദ്യുതി വിതരണം തടസപ്പെടും. നൃപതുംഗ നഗർ, ബ്രിഗേഡ് മില്ലേനിയം, സുങ്കടകട്ടെ, ഹെറോഹള്ളി, കെംപഗൗഡനഗർ, ഗൊല്ലരഹട്ടി, തുംഗനഗർ, ഹൊസഹള്ളി, അന്നപൂർണേശ്വരി നഗർ, പീനിയ ഇൻഡസ്ട്രിയൽ ഏരിയ, ശങ്കരപ്പ ഇൻഡസ്ട്രിയൽ ഏരിയ, അഞ്ജനനഗർ, ഹെഗ്ഗനഹള്ളി, കഗ്ഗലിപുര, മൈലസാന്ദ്ര, ഗാന്ധി നഗർ, ചൊക്കസാന്ദ്ര, മടിവാള, ഹലേഹള്ളി, ഭക്തിപുര എന്നിവിടങ്ങളിലാണ് വൈദ്യുതി വിതരണം തടസപ്പെടുന്നതെന്ന് ബെസ്കോം അറിയിച്ചു.

ബെംഗളൂരു: ഭരണഘടനയുടെ ആമുഖം സ്കൂളുകളിലും കോളേജുകളിലും എല്ലാ ദിവസവും വായിക്കുന്നത് നിർബന്ധമാക്കാനുള്ള നടപടികളുമായി സർക്കാർ. സാമൂഹിക ക്ഷേമ മണ്ഡരി എച്ച്. സി. മഹാദേവപ്പ ഏതു സംബന്ധിച്ച് ഉദ്യോഗസ്ഥരുമായി ചർച്ച നടത്തി. ഭരണഘടനയുടെ പ്രാധാന്യം യുവാക്കളിലും കുട്ടികളിലും എത്തിക്കാൻ ഇത് സഹായിക്കുമെന്നും മന്ത്രി ചൂണ്ടിക്കാട്ടി. ഇക്കൊല്ലം വകുപ്പിന്റെ കീഴിലുള്ള 850 സ്കൂളുകളിൽ പരിപാടി നടപ്പിലാക്കാനാണ് ഉദ്ദേശിക്കുന്നത് . നാഷണൽ കൗൺസിൽ ഓഫ് എജുക്കേഷനൽ റിസർച്ച് ആൻഡ് ട്രെയിനിങ് തയ്യാറാക്കിയ പത്താം ക്ലാസ്സിലെ പാഠപുസ്തകാലത്തിൽ നിന്ന് ജനാധിപത്യത്തെ കുറിച്ചുള്ള പാഠഭാഗം നീക്കം ചെയ്തത് വിവാദമായിരുന്നു

ബെംഗളൂരു: നഗരത്തിൽ ലിവ്-ഇൻ പങ്കാളിയെ കൊലപ്പെടുത്തിയ കേസിൽ യുവാവ് അറസ്റ്റിൽ. ആദ്യഭാര്യയെയും മക്കളെയും പ്രതി കണ്ടതിനെച്ചൊല്ലിയുണ്ടായ തർക്കമാണ് കൊലപാതകത്തിൽ കലാശിച്ചത്. യശ്വന്ത്പൂരിലെ മോഹൻ കുമാർ നഗറിൽ താമസിക്കുന്ന കെജിഎഫ് സ്വദേശിയായ ശരത് കുമാറാണ് 28 അറസ്റ്റിലായത്. കൊല്ലപ്പെട്ട പെൺകുട്ടി വീട്ടുജോലിക്കാരിയായിരുന്നു. കുമാർ പെൺകുട്ടിയെ കഴുത്ത് ഞെരിച്ച് കൊലപ്പെടുത്തുകയായിരുന്നു. സഞ്ജയ് നഗർ സ്വദേശിയായ പ്രിയയുടെ അമ്മ ഉഷയുടെ പരാതിയെ തുടർന്ന് പോലീസ് ദുരൂഹ മരണത്തിന് കേസെടുത്തിരുന്നു. ശ്വാസംമുട്ടലും കൈകൊണ്ട് കഴുത്ത് ഞെരിച്ചും ചേർന്നുണ്ടായ ശ്വാസതടസ്സമാണ് മരണകാരണമെന്ന് പോസ്റ്റ്‌മോർട്ടം നടത്തിയ എംഎസ് രാമയ്യ മെമ്മോറിയൽ ഹോസ്പിറ്റലിലെ ഡോക്ടർമാർ…

ബെംഗളൂരു: ജൂലൈ 1 മുതൽ വൈദ്യുതി നിരക്ക് യൂണിറ്റിന് 51 പൈസ ഉയർത്താൻ നഗരത്തിലെ വൈദ്യുതി വിതരണ ചുമതലയുള്ള ബെസ്‌കോം. താപവൈദ്യുതി നിലയങ്ങളിൽ വൈദ്യുതോൽപ്പാദനത്തിനുള്ള ഇന്ധന വിലയുടെ അടിസ്ഥാനത്തിലാണ് നിരക്ക് ഉയർത്തുന്നത്. ജൂലൈ ഒന്ന് മുതൽ ഡിസംബർ 31 വരെയാണ് നിരക്ക് വർധന പ്രാബല്യത്തിൽ ഉള്ളത്. സംസ്ഥാനത്തെ മറ്റ് 4 വൈദ്യുത വിതരണ കമ്പനികളും സമാനമായ രീതിയിൽ നിരക്ക് ഉയർത്തുന്നുണ്ട്. കർണാടക ഇലെക്ട്രിസിറ്റി റഗുലേറ്ററി കമ്മീഷനാണ് നിരക്ക് വർധനയ്ക്ക് അനുമതി നൽകിയത്.