Month: July 2019

ബെംഗളൂരു : ചിക്ക ബല്ലാ പുരയിലെ ഗൗരിബിദനൂർ മാച്ചനഹള്ളി വെള്ളച്ചാട്ടത്തിൽ ഒരു മലയാളി ഉൾപ്പെടെ 2 വിദ്യാർത്ഥികൾ മുങ്ങിമരിച്ചു. കായംകുളം രാമപുരം അഭിലാഷ് ഭവനിൽ മോഹനൻനായരുടെ മകൻ അഭിലാഷ് മോഹൻ (21), കൊത്തന്നൂരിൽ നിന്നുള്ള ശിവകുമാർ (22) എന്നിവരാണ് മരിച്ചത്. ക്രിസ്തു ജയന്തി കോളേജിലെ അവസാന വർഷ എംസിഎ വിദ്യാർത്ഥിയാണ് അഭിലാഷ്, ശിവകുമാർ പൂർവ വിദ്യാർത്ഥിയും. ഞായറാഴ്ച ഉച്ചയോടെയാണ് സംഭവം. സുഹൃത്തുക്കൾക്കൊപ്പം വെള്ളച്ചാട്ടം കാണാൻ പോയതായിരുന്നു, കാൽ വഴുതി വെള്ളത്തിലേക്ക് വീണ ഇവരുടെ മൃതദേഹം ഇന്നലെയാണ് കണ്ടെടുത്തത്. നഗരത്തിലെ മലയാളി സംഘടനകളുടെ സഹായത്തോടെ മൃതദേഹം…

ബെംഗളൂരു: കഴിഞ്ഞ ദിവസമാണ് ഡെങ്കിപ്പനി ബാധിച്ച് ഒരു കണ്ണൂർ സ്വദേശിനി മരിച്ചത്. നഗരത്തിലെ ആശുപത്രികളിൽ ഡെങ്കിപ്പനി ബാധിച്ചെത്തുന്നവരുടെ എണ്ണത്തിൽ വൻകുതിച്ചുചാട്ടമുണ്ടായിട്ടുണ്ട്. നഗരത്തിൽ ഡെങ്കിപ്പനിയും മറ്റു പകർച്ചവ്യാധികളും കൂടിവരുന്നതിനെത്തുടർന്ന് മുൻകരുതൽ നടപടിയെടുക്കാൻ ജനങ്ങൾക്കും തദ്ദേശഭരണ ഉദ്യോഗസ്ഥർക്കും ഡോക്ടർമാർ നിർദേശം നൽകി. തീവ്രമായ പനിയുമുണ്ടാകുന്നതിനാൽ ജാഗ്രതവേണമെന്ന് ഡോക്ടർമാർ പറഞ്ഞു. മഴക്കാലം ശക്തിപ്രാപിക്കുന്നതോടെ അസുഖബാധിതരുടെ എണ്ണം കൂടാൻ ഇടയുള്ളതിനാൽ അതീവ ജാഗ്രതവേണമെന്നാണ് നിർദേശം. കൃത്യമായ ഇടവേളകളിൽ കൊതുകുനശീകരണ പ്രവർത്തനങ്ങൾ നടത്തണമെന്നും മാലിന്യം കുന്നുകൂടിക്കിടക്കാൻ ഇടവരുത്തരുതെന്നും ഡോക്ടർമാർ ബൃഹത് ബെംഗളൂരു മഹാനഗര പാലികെ (ബി.ബി.എം.പി.) ഉദ്യോഗസ്ഥരോട് ആവശ്യപ്പെട്ടു. കൊതുകുനശീകരണ പ്രവർത്തനങ്ങൾ മഴക്കാലത്തിന്…

ബെംഗളൂരു: ഏതാനും മണിക്കൂറുകള്‍ മുന്‍പ് രാജിവച്ച കോണ്‍ഗ്രസ്‌ എം എല്‍ എ ആനന്ദ് സിങ്ങിന് പിന്നാലെ മുതിര്‍ന്ന കോണ്‍ഗ്രസ്‌ നേതാവും എം എല്‍ എ യും മുന്‍ മന്ത്രിയുമായ രമേഷ് ജാര്‍ക്കിഹോളിയും രാജിവച്ചു.മുംബൈയില്‍ ഉള്ള രമേഷ് രാജിക്കത്ത് സ്പീക്കര്‍ കെ ആര്‍ രമേഷിന് ഫാക്സ് ആയി അയക്കുകയായിരുന്നു. “മാധ്യമങ്ങളിലൂടെയാണ് എം എല്‍ എ മാരുടെ രാജിക്കാര്യം അറിഞ്ഞത് ,സര്‍ക്കാരിനെ അസ്ഥിരപ്പെടുത്താന്‍ ഉദ്ദേശിക്കുന്നില്ല,താഴെ വീഴുകയാണെങ്കില്‍ സര്‍ക്കാര്‍ രൂപീകരിക്കാനുള്ള സാധ്യത തേടും,പെട്ടെന്ന് ഒരു തെരഞ്ഞെടുപ്പിന് ഉള്ള സാധ്യത ഇല്ല”പ്രതിപക്ഷ നേതാവും ബി ജെ പി അധ്യക്ഷനുമായ യെദിയൂരപ്പ…

ബെംഗളൂരു: കാവേരി നദീതട പ്രദേശങ്ങൾ വരൾച്ചയിലേക്ക്. കാവേരി നദിയിലെ കെ.ആർ.എസ്., കബനി അണക്കെട്ടുകളിൽ ജലവിതാനം കുറഞ്ഞതിനാൽ കാർഷിക ആവശ്യങ്ങൾക്കുള്ള വെള്ള വിതരണം നിർത്തിയിരിക്കുകയാണ്. അണക്കെട്ടിലേക്കുള്ള നീരൊഴുക്ക് കുറഞ്ഞതും കാലവർഷം മോശമായതുമാണ് ഈ അവസ്ഥയ്ക്ക്കാരണം. ഇത്തണ ജൂണിൽ ലഭിച്ചത് കഴിഞ്ഞ വർഷത്തെക്കാൾ 56 ശതമാനം കുറഞ്ഞ മഴയാണ്. ജൂൺ മുതൽ ഓഗസ്റ്റ് വരെയാണ് കാവേരിനദീതട ജില്ലകളിൽ കൂടുതലായി മഴ ലഭിക്കാറുള്ളത്. വരുംദിവസങ്ങളിലും മഴ ലഭിച്ചില്ലെങ്കിൽ പ്രതിസന്ധി രൂക്ഷമാകും. മഴ ലഭിച്ചില്ലെങ്കിൽ ജൂലായ് രണ്ടാംവാരത്തിൽ കൃത്രിമ മഴയ്ക്കുള്ള പദ്ധതി സർക്കാർ ആലോചിക്കുന്നുണ്ട്. ബെംഗളൂരുവിലേക്ക് കുടിവെള്ളമെത്തിക്കുന്നത് കെ.ആർ.എസ് അണക്കെട്ടിൽ…