Month: August 2018

ബെംഗളൂരു: ബെംഗളൂരു മെട്രോ ട്രാൻസ്പോർട്ട് കോർപ്പറേഷൻ (ബി.എം.ടി.സി.) ടിക്കറ്റ് നിരക്ക് ഉയർത്തുന്നു. 18.5 ശതമാനം വർധനയ്കുള്ള നിർദേശം സർക്കാരിന് കൈമാറി. ഡീസൽ വിലയിലുണ്ടായ വർധനയും ജീവനക്കാരുടെ വേതനമുയർത്തിയതിലൂടെയുണ്ടായ അധിക ബാധ്യതയും കാരണമാണ് നിരക്കുയർത്താനുള്ള നിർദേശം ബി.എം.ടി.സി. നൽകിയത്. നിലവിൽ മാസത്തിൽ 20 കോടി മുതൽ 25 കോടി വരെയാണ് ബി.എം.ടി.സി.യുടെ നഷ്ടം. സർക്കാരിന്റെ അനുമതിക്കായി കാത്തിരിക്കുകയാണെന്ന് ബി.എം.ടി.സി. ഉദ്യോഗസ്ഥർ പറഞ്ഞു. നിരക്കുയർത്തണമെന്ന നിർദേശം സർക്കാർ അംഗീകരിച്ചാൽ 220 കോടിയോളം രൂപയുടെ അധിക വരുമാനം ലഭിക്കുമെന്നാണ് ബി.എം.ടി.സി. അധികൃതരുടെ പ്രതീക്ഷ. 2014 ഏപ്രിലിലാണ് ഇതിനുമുമ്പ് ബി.എം.ടി.സി. നിരക്ക്…

ബെംഗളൂരു ∙ ബാഗൽക്കോട്ടിൽ നാലുവയസ്സുകാരന്റെ മൃതദേഹം കഴുത്തും ജനനേന്ദ്രിയവും അറുത്ത നിലയിൽ വയലിൽ കണ്ടെത്തി. നരബലിയെന്ന സംശയത്തെ തുടർന്നു പൊലീസ് അന്വേഷണം തുടങ്ങി. ബന്ദിഗനി ഗ്രാമത്തിലെ യെല്ലപ്പയുടെ മകൻ അമജഗോലയാണ് ദാരുണമായി കൊല്ലപ്പെട്ടത്. രാവിലെ ബാലവാടിയിൽ പോയ മകൻ വൈകുന്നേരമായിട്ടും തിരിച്ചെത്താതെ വന്നതോടെയാണ് രക്ഷിതാക്കൾ അന്വേഷണം തുടങ്ങിയത്. നാലുമണിവരെ ബാലവാടിയിൽ ഇരിക്കുന്ന മകൻ കൂട്ടുകാർക്കൊപ്പം കളിക്കാറുള്ളതിനാൽ അഞ്ചുമണിക്കാണു വിളിച്ചു കൊണ്ടുവരുക. തുടർന്നു നടത്തിയ പരിശോധനയിലാണ് ഗ്രാമാതിർത്തിയിലെ വയലിൽ വിജനമായ സ്ഥലത്തു രക്തത്തിൽ കുളിച്ചനിലയിൽ മൃതദേഹം കണ്ടെത്തിയത്. കുട്ടിയുടെ സ്വർണക്കടുക്കനും വെള്ളിയരഞ്ഞാണവും കാണാതായിട്ടുണ്ട്. കുട്ടിയെ അങ്കണവാടിയിൽനിന്നു വിളിച്ചുകൊണ്ടു പോയെന്നു കരുതുന്നയാളെ പൊലീസ് കസ്റ്റഡിയിൽ എടുത്തു.

ബെംഗളൂരു: ബെംഗളൂരു ആതിഥ്യമരുളുന്ന എയ്‌റോ- ഇന്ത്യ പ്രദർശനം അടുത്തവർഷം ഉത്തർപ്രദേശിലെ ലഖ്‌നൗവിലേക്ക് മാറ്റാൻ കേന്ദ്രസർക്കാർ നീക്കമെന്ന് ആരോപണം. ഗോവയിലേക്ക് മാറ്റാൻ നേരത്തേ നീക്കം നടന്നെങ്കിലും പ്രതിഷേധത്തെത്തുടർന്ന് മാറ്റുകയായിരുന്നു. 1996 മുതൽ എയ്‌റോ- ഇന്ത്യ ബെംഗളൂരുവിലെ യെലഹങ്ക വ്യോമസേന താവളത്തിലാണ് നടക്കുന്നത്. എയ്‌റോ- ഇന്ത്യ ബെംഗളൂരുവിൽനിന്ന് മാറ്റുന്ന കാര്യത്തിൽ തീരുമാനമെടുത്തിട്ടില്ലെന്ന് പ്രതിരോധ മന്ത്രി നിർമലാ സീതാരാമൻ പറഞ്ഞു. പല സംസ്ഥാനങ്ങളും സന്നദ്ധത അറിയിച്ച് മുന്നോട്ടുവന്നിട്ടുണ്ട്. പത്ത് തവണ ഡിഫൻസ് എക്സ്‌പോ നടന്നത് ഡൽഹിയിലാണ്. തുടർന്ന് ഗോവയിലേക്കും പിന്നീട് തമിഴ്‌നാട്ടിലേക്കും മാറ്റി. അതിനുശേഷമാണ് ബെംഗളൂരുവിലെത്തിയത് – മന്ത്രി പറഞ്ഞു.…